Терешкова валентина

Шүлгчнр кесг үйдән Шүрүтә хурц шүлгүдтән Күлгин хурд магтла, Көвүдин зөргт бахтла;

Күпҗмин айс туңһаҗ, Күүкдин сәәх буульлла, Чикнә хуҗр хаңһаҗ, Чимгтә дууһан дуулла.

Сансан күцәх күүкдтән Седклм оньдин ицәтәв, Шунсн төрмүдинь угтсндан Шүлг болһндан бичәтәв.

Җигтә сәәхн цагви!— Җирһл җилвәс үлнә,

Үг эцҗәнә — гихви: Үүлдвр үлгүрәс давна.

Эд некәч эмгнә Эңгин ач күүкн Космос колдән мөргүлнә, Күмнд оврмҗ болна.

Күүкм — күмнд оәәхн! Космоситн царадҗ йовна. Соңстн, өвртн, күүким, Советин улс — иим!

Магтмҗин 'үг күртхш, Маңсиҗ сууҗ болхш. Мана күүкд ямаран?! Манахн, өмәрән, өмәрән!.. 17 июня 1963 года.

АКСЕН СУСЕЕВ.

Җиврмүд улм батртха

Иҗл һолин аһариг Иньг күүктәһән киилләв. Иткл, байр, җирһлиг Иҗлин көвәд оллав...

Иҗл тууҗин туршарт Икл зөөр зөөсмн, Әрәсән нерни туурмҗд Әвртә күч өгсмн.

Әәдрхнд би баһасн Әрәсән тууҗ даслав, Омгта Некрасовин шүлгүдт Олна седкл үзләв.

«Бурлаки»—зург... Күчн. Буурл Иҗлиг чиңнхлә,—

Орс гергдиг магтсн ОЛН ШүЛГүД 'ҖИҢНЛӘ...

Ярославль балһсн Әәдрхнә Ямр сәәхн ахнь.

Кедү баатр улс Күчтә Иҗләс һарсмб?

...Ильич—Ленин—вождь

Иҗлин көвәд төрлә, Делкә дүүрәд нернь Деегшән мандлҗ туурла.

Олн келн әмтн

Олсн наран дахла, Нутг мана сулдҗ, Нурһн мана тиниж;...

Тер цагт мана

Теңгрт күрх җиврмдн, Маниг сүүһәсмдн дөңнж, Мандлсн нарнур өргҗ...

Эн цагин .җир1һлин Эклцнь Ленинд бәәнә.

Иҗл, Ленинград, Москвата Иткл, нәәллһн холвата...

Буурл үстә ахнран Бидн бичә мартий.

Блюхер, Чапаев, Котовскиг, Буденна цергиг саний.

«Улан-Перекоп» фабрик...

Улан мөрн цергин Зөрг, омгиг санҗ Зүүсн нерн болдмн...

Зүүдн тууҗ-Перекоп, Зурһадгч дивизии дәврлһн, Алдр хальмг баатр Лакун үлдин гилвклһн...

Валентина—тууҗта нерн...

Валентина Гризодубоваг

меднәвдн.

Валентина Гагановаг таньнавдн.., Валентина Терешкова — байрмдн.

Революции ноолдаиа хаалһнь, Революции тууҗ-авъяснь,— Тасрлт уга холвата, Таңгсг зүркнд темдгтә...

Күүкн Валян нислһн Ки давхцулҗ байрлулв... Күмни делкән күүкдин Күчинь тер холвулв.

Җирһлин «җивр урһасн Җигтә сәәхн нутгм, Чееоцин санан-седклм Чини төлә буслна!

Шин хойр космонавтиг Шуугҗ Москва угтв... Баатр Советин нутг Байрлҗ үрдән үмсв...

Ж,ивр, җивр, (җивр Җирһл дүүрң нутгм... Җирһлин дун җиңнтхә Җиврмүд улм батртха!

ЭРНҖӘНӘ КОНСТАНТИН

Тәвдгч хаврм

Көвүд, күүкдиннь байрт Көгшрхән мартад однав, Көлм улмар чаңһрад, Келм хурцдад йовна.

Зүүдндм үзсн күцл Зүркндм урмд урһана, Зөрәд, кинәд зүтксн Зөвим медрк хаңһана...

Тәвдгч хавринм үүдн Тәәлрҗ өвгдүр дуудв, — Тигән одшгов,— гиҗ 'Төрүц зөвигәршгов болвв.

Теднәс зулҗ һарад, «ТУ» самолетд суувв, Теңгр өөдлж цервәд, Төрскн һазран һзәхвв.

Тәвдгч хаврм тенд Теегинм цецгүдәр дайлв,

Теңгрин нааһас үзчкәд Теврәд деернь буувв.

Сала, судл, ташус Саңгин идәһәр каңкнв, Сартг намчта цецгүд Саиаһим дахҗ /һаңхлдв.

«Хар булгтм» күргәд— Хоөч көвүнд тохрав, Хәәртә иньгүдм магтад Хавр мет эңкрлв.

Толһанм буурл мартулад, Төрскм таалҗ ачлв, Тоомсрта олн ахнрм Таңсг йөрәлән тальвв.

Кишгтә баһчудин элч Келмрч шар куүкн: — Көгшрхм биш—гиж, Комсомолур намаг көтлв.

Тигәд Төрскм таалад Тәвн насим йөрәв, Хүв, насим уттаһад Херн тавта!һар миләв.

ӨРҮН

Торһа, торһа, торлң, Торлзад, деләд наадич, Терским шинәс магтад Таалмҗта айсар дуулич.

Өрлә серәд, сергәд, Өргәд сәәхн дуулнач, Өдрин җирһл угтад Өндгн деерән цервнәч.

Цегән аһарт дүүҗлгдәд Цеңнәд, цервәд ярлзнач,

Игҗ баһчудм байрлулад Ицлтә җивр урһав, Иргч коммунизмд күрх, Иткл һартм атхулв.

1962 җил.

ТОРҺА

Цеңкр оһтр.һуд доңһдад Цецглдг теегим санулнач.

Бичкн, көркүхн торһа, Биилич, дуулич, инәһич, Бәәхтә мини теегт Байсад, есәд, җирһич.

Торһа, торһа, торлң, Торлзад, деләд наадич, Терским шинәс магтад Таалмҗта айсар дуулич!

1963 җ.

ДОРҖИН БАСҢ..

ТОВЧ ХАДВЧН — ТООЛВР КЕРГТӘ

Анҗа—баахн көвүн, Аюдан дөгхш, төвшүн. Альчн юмнд сүзгтә, Авад кечкх дурта.

Товчнь нег дакҗ

Тасрад унсиг үзҗ, Шүүрч авад, бәрв, Шулу/һар хадхар, хәрв.

Утцта зү авад Стол деер тәвәд, Дорк дёлгцинь тинилһв. Деернь киилгән делгв.

Көк зүүг гилвкүләд, Көндлң, ерү җилвкүләд, Товчан көшҗ хадв, Татҗ 'өмсхәр седв.

Давхр уйгдсн делгц, Деернь бәәсн тәвц Дахад ардаснь чиргдв, Дошад цуһар цацгдв.

Хәәч, буһшта цецг, Хаҗуднь бәәсн кесг Шаазң-тәрлк күүрв, Шард-пард үүрв.

Алң болҗ өсрв, Ардан хәләҗ-менрв: — Альдаран эдниг кехви?- Аакан ирхлә яахви?

* * *

Анҗан кесиг медтн, Аюдан бичә седтн: Кехәсн урд тоолтн, Келхәсн өмн ухалтн.