- •§ Паняцце і прадмет агульнай тэорыі права
- •§ Метадалагічная аснова і метады навуковага пазнання права
- •§ Права ў сістэме сацыяльнага рэгулявання
- •§ Сутнасць права
- •§ Асноўныя падыходы да вызначэння права
- •§ Паходжанне права. Агульная характарыстыка
- •§ Тыпалогія права. Фармацыйны і цывілізацыйны падіходы
- •§ Нормы права
- •§ Прававыя адносіны
- •§ Сістэма права
- •§ Асоба і права
§ Метадалагічная аснова і метады навуковага пазнання права
Метадалогія як навука;
Агульнафіласоўскія метады;
Агульнанавуковыя метады;
Прыватныя метады;
Метад сістэмнага аналізу.
Метадологія – навука аб спосабах, метадах і формах даследвання прадметаў. Кожны прадмет мае свае спецыфічныя метады, пры дапамозе якіх ён канкрэтна вывучаецца. Кожны метод мае ўласную сферу выкарыстання і вызначае вынік, які потым атрымаецца.
Існуе наступная сістэма метадаў:
Светопоглядныя метады. Дазваляюць вызначаць светопогляд, які ляжыць у аснове пэўнай з’явы.
Агульнафіласоўскія ( як від светапоглядных)
Агульнанавуковыя
Навуковыя (тычацца адной навукі)
Прыватныя.
Сучасная метадалогія мае наступныя рысы:
Гуманітарная накіраванасць. Усе метады накіраваны на вывучэнне чалавека;
Плюралізм. Адсутнасць прызнання метадаў пазітыўнымі або негатыўнымі. Кожныя метады маюць уласныя сферы і межы выкарыстання, свае спосабы вывучэння рэчаіснасці і могуць адрознівацца большай ці меншай дасканаласцю;
Цывілізацыйная накіраванасць. Вывучэнне дзяржавы і права, улічваючы іх цывілізацыйныя аспекты;
Фенаменалагічная накіраванасць. Уключэнне суб’екта ў аб’ект даследвання;
Метадалогія мае рысу навуковасці: маецца гіпотэза, пэўныя інструменты і вынікі, якія атрымліваюцца пры іх выкарыстанні;
Светапогляднасць;
Улік агульначалавечых каштоўнасцяў;
Адноснасць у размежаванні метадаў;
Выкарыстанне рацыянальных і пазарацыянальных метадаў пазнання.
Метады адрозніваюцца па сваёй накіраванасці, аб’ёму дасканалага матэрыялу, па глыбіні яго вывучэння. Вынікі даследвання могуць адрознівацца. Любая метадалогія выцякае з пэўных аксіом, якія ўспрымаюцца на веру ў якасці нейкіх ідэй.
Па сродках адлюстраванай аб’ектыўнай рэальнасці лічаць, што: 1) рэальнасць можа быть пазнана аб’ектыўна (існуе 1 рэальнасць), 2) суб’ектыўная рэальнасць, 3) мір немагчыма пазнаць (агнастыцызм).
Светапоглядны метад – гэта звычайна даменуючы светапогляд, які аксеаматычна замацоўвае веды пра чалавека, пра прыроду, грамадства і звычайна з’яўляецца дагматычна-рэлігійным або квазірэлігійным.
Да агульнафіласоўскіх метадаў звычайна адносяцца метады, праз якія фарміруецца філасоўскае ўяўленне рэчаіснасці. Сярод філасофскіх метадаў выдзяляюць ідэялізм і матэрыялізм, метафізіку (сувязь духоўнага і матэрыяльнага, спроба ахапіць усе існуючыя з’явы), і дыялектыку, распрацаваную Гегелям, які лічыў, што ўсе з’явы ўзаемадзейнічаюць адна з другой і рухаюцца па пэўных накірунках. Дыялектыка (прыватны выпадак метафізікі, якая вывучае з’явы ў іх узаемадзеянні і процівапастаўленні) мае 3 закона:
Барацьба адзінства і супрацьлегласцяў
Закон перахода колькасці ў якасць
Закон адмаўлення адмаўлення
Ідэалізм – духоўная канцэпцыя, якая аддае перавагу духоўным пачаткам у свеце.
Матэрыялізм лічыць, што першапачаткова з’яўляецца матэрыял.
Падзел метадалогіі на матэрыялізм і ідэялізм – гэта ўнікальная з’ява ў заходня цывілізацыі, якая адбылася ў выніку Рэфармацыі. Кожны метад мае як матэрыяльныя, так і духоўныя пачаткі.
Супрацьпастаўленне матэрыялізма і ідэялізма – гэта з’ява еўрапейскай гісторыі XVI ст.
Метафізіка – гэта метад, які ўтрымлівае ўсе з’явы аб’ектыўнай рэчаіснасці комплексна і ў сувязі з пэўнымі духоўнымі прыярэтэтамі. Метафізіка заўсёды з’яўляецца рэлігійна або квазірэлігійна афарбаванай дактрынай.
Для Заходняй Еўропы была характэрна дамінаванне каталіцкай царквы, якая імкнулася да дамінавання ва ўсіх сферах.Раскол адзінага каталіцкага светапогляда адбываецца ў XVI ст., таму што каталіцызм выйшаў за межы сваёй кампетэнцыі. Каталіцкае паданне ў час Рэфармацыі перестае быць адзіным крытэрыем ісціны і ўзнікае навука, якая тлумачыць рэальнасць без тэалагічнай накіраванасці.
У XVI ст. вынаходзіцца навуковае ўяўленне света, здаецца, што ўсе сацыяльныя адносіны вызначаны адзінамі законамі прыроды.
Матэрыялізм узнікае ў XVI- XVII стст. праз пошук механічных дэтэрмінантаў сацыяльнага жыцця, але яго нездольнасць растлумачыць усе з’явы прыводзіць да ўзнікнення ў XVIII ст. ідэялізму.
Да агульнафіласфскіх таксама адносяцца:
Цывілізацыйны (цывілізацыя ўлічвае ўзровень развіцця грамадства, культуру, ландшафт)
Метады, якія характарэзуюць накірункі развіцця
Прагрэс ( развіццё і ўдасканаленне сацыяльных з’яў)
Рэгрэс
Цыклічнасць
Да агульнанавуковых адносцца метады, якія выкарыстоўваюцца ва ўсіх навуках:
Аналіз і сінтэз (пераход ад менш канкрэтнага да больш канкрэтнага)
Індукцыя і дэдукцыя
Гістарычна-парўнальны (парўнанне рознасных з’яў, якія адносяцца да розных прававых сістэм або да розных узроўняў іх развіцця).
Функцыянальны
Лагічныя метады
Сярод агульнанавуковых метадаў выдзяляюцца фармацыйны і цывілізацыйны падыходы да вывуччэння права.
Фармацыйны засноўваецца на ўяўленні сутнасці сацыяльна-эканамічных фармацый, якія выдзяляюцца на падставе дамінуючага эканамічнага спосаба вытворчасці.
Цывілізацыйны. У аснову кладуцца ўнікальныя якасці асобных цывілізацый.
Дзедукцыя – вывядзенне прыватных з агульных паняццяў.
Індукцыя – спосаб ад прыватнага да агульнага. Права вывучаецца праз норму і догму.
Догма – аналіз існуючага палажэння і існуючых правіл.
Норма – правіла, якое мае якасць нармальнасці
Да прыватнанавуковых адносяцца метады, якія выкарыстоўваюцца асобнымі навукамі: сацыялагічнымі, эксперыментальнымі, мадэляваннем.
Найбольш выкарыстоўваецца метад сістэмнага аналіза, які дазваляе ўяўляць рэчаіснасць як складаную сістэму функцый, элементаў і ўзаемадзеянняў.
Сістэма - гэта такая складаная сукупнасць элементаў, якая выконвае пэўную ролю і мае большую якасць, чым элементы паасобку. Сістэмы бываюць ірох відаў:
Механічная
Біялагічная
Сацыяльная
Любая сістэма існуе на падставе аб’яднання функцый і элементаў праз нейкі сістэмаўтваральны фактар для дасягнення пэўнай мэты.
Механічная сістэма – сукупнасць элементаў, звязаная паміж сабой механічнымі, фізічнымі і іншымі натуральнымі з’явамі.
Біялагічная сістэма – гэта альбо жывы арганізм, альбо біягенацэноз. Біялагічныя сістэмы могуць быць у выглядзе біягеаграфічных сістэм.
Сацыяльная сістэма – складаная сістэма, у якой існуе чалавек.
Існуюць два падыходы пры сістэмаўтварэнні:
Структурны
Функцыянальны
Структурны падыход выдзяляе асобныя элементы ў сістэме, якія выконваюць розныя ролі ( функцыі).
Функцыянальны метад дазваляе выдзеляць функцыі, якія выконвае пэўная сістэма і элементы ў ёй. Кожны элемент выконвае пэўную функцыю, і кожная функцыя патрабуе пэўнага элемента. Паміж элементамі ўзнікаюць сувязі наступнага характару:
Прамыя сувязі
Адваротныя сувязі
Субардынацыйныя (падпарадкаванне)
Каардынацыйныя
Ускосныя сувязі
У праве існуюць наступныя сістэмы:
Прававая сістэма
Нарматыўны масіў, які існуе ў формах заканадаўства
Сістэма праватворчых і правапрымяняльных органаў
Сістэма юрыдычнай адукацыі
Прававая сістэма – схематызаваны выраз усёй рэчаіснасці, якая ахопліваецца правам.